இந்திய அஞ்சல் துறையில் 2,095 காலிப் பணியிடங்கள்: 10ம் வகுப்பு தேர்ச்சி போதும்!

இந்திய அஞ்சல் துறையில் (India Post) புதிய வேலைவாய்ப்பு அறிவிப்பு வெளியாகியுள்ளது. 10ம் வகுப்பு தேர்ச்சி பெற்றவர்களுக்கு அரசு வேலை பெறும் நல்ல வாய்ப்பாக இது கருதப்படுகிறது.

தமிழ்நாட்டில் உள்ள அஞ்சல் துறையின் காலியிடங்களை நிரப்புவதற்காக மொத்தம் 2,095 பணியிடங்கள் அறிவிக்கப்பட்டுள்ளன. இதில் கிராம அஞ்சல் பணியாளர் (Gramin Dak Sevak - GDS) பணியிடங்கள் நிரப்பப்பட உள்ளன.

இந்த பணிக்கான கல்வித் தகுதி 10ம் வகுப்பு தேர்ச்சி என்பதால், பள்ளிப் படிப்பை முடித்த இளைஞர்களுக்கு இது ஒரு முக்கியமான வாய்ப்பாகும். மேலும், இந்த பணிக்கான தேர்வு முறையாக எழுத்துத் தேர்வு எதுவும் இல்லை. விண்ணப்பதாரர்களின் 10ம் வகுப்பு மதிப்பெண்கள் அடிப்படையில் நேரடி தேர்வு நடைபெறும்.

தேர்வு செய்யப்படும் பணியாளர்களுக்கு மாதம் ரூ.29,380 வரை சம்பளம் வழங்கப்படும் என அறிவிக்கப்பட்டுள்ளது.

இந்த வேலைவாய்ப்புக்கான விண்ணப்பிக்க வேண்டிய கடைசி தேதி 21.09.2026 என நிர்ணயிக்கப்பட்டுள்ளது. தகுதி உள்ளவர்கள் உடனடியாக விண்ணப்பிக்குமாறு அறிவுறுத்தப்பட்டுள்ளது.

அரசு வேலைக்காக முயற்சி செய்து வரும் இளைஞர்களுக்கு, குறிப்பாக கிராமப்புற மாணவர்களுக்கு, இந்த அறிவிப்பு ஒரு பெரிய வாய்ப்பாக பார்க்கப்படுகிறது.