இன்ஸ்டா DP-யை பிரபாஸ் ஏன் மாற்றினார்?

நடிகர் பிரபாஸ், ஏழு ஆண்டுகளுக்குப் பிறகு தனது இன்ஸ்டாகிராம் சுயவிவரப் படத்தை (DP) மாற்றியுள்ளார். நீண்ட காலமாக அவரது அடையாளமாக இருந்த பாகுபலி தோற்றத்துக்குப் பதிலாக, தற்போது நடித்து வரும் Fauzi படத்தின் புதிய தோற்றத்தை அவர் தனது DP-யாக வைத்துள்ளார்.

இந்த மாற்றம் சமூக வலைதளங்களில் ரசிகர்களின் கவனத்தை வெகுவாக ஈர்த்துள்ளது. குறிப்பாக, சுதந்திர தினக் கொண்டாட்டங்கள் தொடங்கும் ஆகஸ்ட் மாதத்தில் இந்த மாற்றம் நிகழ்ந்திருப்பதால், Fauzi படத்தின் தேசபக்தி பின்னணியுடன் இதை ரசிகர்கள் தொடர்புபடுத்தி வருகின்றனர்.

ஹனு ராகவபுடி இயக்கும் இப்படத்தில் பிரபாஸ் இதுவரை பார்க்காத வித்தியாசமான தோற்றத்தில் நடிக்கிறார். படத்தின் கதை மற்றும் கதாபாத்திரம் குறித்த எதிர்பார்ப்பு அதிகரித்து வரும் நிலையில், பிரபாஸின் இந்த DP மாற்றம் Fauzi படத்துக்கான கவனத்தை மேலும் அதிகரித்துள்ளது.